Një shtetas i paidentifikuar ka grabitur mbrëmjen e sotme një postë private. Ngjarja ka ndodhur në rrugën ‘5 Maji’ në kryeqytet. Policia bën me dije se autori i grabitjes ka marrë një shumë parash dhe më pas është larguar me një motomjet.
Blutë po punojnë për identifikimin dhe kapjen e tij.
Tiranë/Informacion paraprak
Më datë 17.05.2023, rreth orës 21:15, në rrugën “5 Maji”, një person ende i paidentifikuar, i cili mbante një send të dyshuar si mjet prerës, është futur në filialin e një poste private, ka marrë një shumë parash dhe është larguar me një motomjet.
Grupi hetimor ndodhet në vendngjarje dhe po punon për identifikimin dhe kapjen e autorit.
Shërbimet e Policisë kanë ngritur pika kontrolli dhe po krehin zonën, për të bërë të mundur kapjen e autorit.
