Një aksident ka ndodhur gjatë pasdites së sotme qytetin e Vlorës,ku një mjet lundrues gomone ka dëmtuar një 7-vjeçar, i cili ka qenë duke notuar në afërsi të bregut, i cili ndodhet në spital, jashtë rrezikut për jetën.
Policia ka shoqëruar drejtuesin 40-vjeçar.
Njoftimi i policisë:
Sot, rreth orës 17:40, në plazhin e Jonufrës, shtetasi H. K., rreth 40 vjeç, duke drejtuar një mjet lundrues tip gomone, ka dëmtuar një 7-vjeçar, i cili ka qenë duke notuar në afërsi të bregut. Aktualisht fëmija ndodhet në spital, jashtë rrezikut për jetën.
Drejtuesi i mjetit lundrues është shoqëruar nga Policia për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
