Në ishullin grek të Karpathos, në detin Egje , një varkë me emigrantë të mbetur nga brigjet turke u shkatërrua . Sipas një zyrtari të rojes bregdetare helene ka “të paktën 50 të zhdukur “. Në bord ndodheshin rreth 80 persona (përfshirë afganë, irakianë dhe iranianë), 29 prej të cilëve u shpëtuan. Kërkimet pengohen nga erërat e forta.
Këto që shihni në foto janë numrat e telefonit të shkruar me stilolaps në bluzën e veshur gjatë rrugëtimit të shpresës drejt Europës, duke kaluar Mesdheun. Numrat “të përsëritur dhe të shkruar kudo”. Kështu udhëtoi një emigrant që ikën nga Libia, i hipur në bordin e anijes së shpëtimit Sea-Eye 4,
Shpëtim në aksion midis Rodos dhe Kretës- Ekipet e shpëtimit po pastrojnë detin midis Rodos dhe Kretës: dy varka patrullimi të rojes bregdetare, një e marinës greke, një helikopter i forcave ajrore dhe të paktën tre anije janë në punë.
Drejtuar në Itali- Varka e mbytur kishte lundruar nga zona e Antalias dhe ishte nisur për në Itali, kur u përplas gjatë natës.
Një tjetër anije u mbyt në brigjet e Tunizisë ku mbetën të paktën gjashtë të vdekur. Ngjarja ndodhi në në brigjet e Tunizisë, në Kraten, ku u mbyt një varkë me disa emigrantë në bord, në përpjekje për të mbërritur në europë. Autoritetet tuniziane shpëtuan nga ujërat trupat e gjashtë emigrantëve, tre grave dhe tre fëmijëve, ndërsa 20 emigrantë të tjerë u shpëtuan nga Roja Bregdetare, Marina dhe Mbrojtja Civile Italiane. Vazhdojnë kërkimet për gjetjen e personave të zhdukur.
