Trajneri Hansi Flick premtoi se Gjermania do të luajë “një stil dhe mënyrë futbolli që emocionon tifozët” ndërsa skuadra e tij do të vazhdojë të martën kundër Belgjikës pas Kupës së Botës.
Gjermania e Flick-ut u eliminua në fazën e grupeve në Katar, dalja e tyre e dytë radhazi në grupe nga Kupa e Botës. Por trajneri tha të hënën se fokusi i tij ishte në mënyrën se si luan ekipi.
“Fitoret na bëjnë gjithmonë mirë, për vetëbesim dhe vetëvlerësim. Por mendoj se stili dhe mënyra e futbollit që ne luajmë mund të emocionojë tifozët.”
Gjermania kualifikohet për Euro 2024 si mikpritëse dhe për këtë arsye do të luajë vetëm miqësore derisa të zhvillohet turneu.
Katër herë fituesit e Kupës së Botës ishin dominues në mposhtjen 2-0 të Perusë në një miqësore të shtunën falë dy golave të Niclas Fullkrug.
Flick megjithatë pranoi se Belgjika do të jetë “një kalibër tjetër ” dhe se mund t’i jepte Gjermanisë një shans për të vlerësuar rikthimin e tyre.
“Ata kanë një menaxher të ri dhe një frymë të re, mund ta shihni që kanë futbollistë të shquar… Nën presion gjejnë zgjidhje të mira.
“Belgjika një nga skuadrat më të mira, kemi një kundërshtar të mirë me të cilin mund të matemi.”
Mbrojtësi i West Ham, Thilo Kehrer tha se Belgjika do të “luajë fuqishëm” dhe do të ishte “më dominuese se Peruja”, që do të thotë se skuadra e tij duhet të “tregojë se çfarë mund të bëjmë” të martën.
Flick tha se Kehrer dhe Serge Gnabry do të hyjnë në formacionin fillestar për të zëvendësuar Kai Havertz dhe Nico Schlotterbeck, të cilët janë përkatësisht me grip dhe një lëndim në këmbë.
