Nedim Bajrami mbetet në epiqendrën e merkatos në dalje të Empolit. Për mesfushorin shqiptar ka interesim nga Fiorentina, me klubin nga Firence që po ushtron presion konstant.Trajneri i Empolit, Paolo Zanetti ka dhënë një intervistë për ‘TGR Rai Toscana ku ka folur për 23 vjeçarin.
“Krenohem me faktin që kërkohet nga shumë skuadra, por ashtu siç është i rëndësishëm për klubet e tjera, Bajrami është thelbësor për ne.Është një lojtar për të cilin nuk e kam mohuar kurrë vlerësimin tim edhe si kundërshtar, ndërsa tani kam fatin që ta stërvit dhe shpresoj që ta bëj deri në fund të sezonit.Bajrami është i jashtëzakonshëm dhe luan në pozicione të ndryshme në fushë, ka teknikë dhe cilësi, madje arrin të gjejë edhe rrugën e golit. Është një lojtar që mund të bëjë ndryshimin dhe mund të përmirësohet akoma më shumë” – Tha Zanetti.
