Katër raste të trafikut të paligjshëm të emigrantëve në Vlorë, janë goditur ku 2 persona janë vënë në pranga dhe 2 të tjerë janë lënë nën hetim në gjendje të lirë.
Burime për median bëjnë me dije se F. R., 58 vjeç dhe G. L., 56 vjeç janë arrestuar nga policia, pasi janë kapur duke transportuar 6 emigrantë të paligjshëm kundrejt fitimit të parave.
Njoftimi i policisë:
DVKM Vlorë/Vijojnë goditjet e njëpasnjëshme ndaj veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit.
Finalizohet operacioni policor i koduar “Borders”.
Goditen 3 raste të dhënies ndihmë shtetasve të huaj, për kalim të paligjshëm të kufirit në Qafë Botë, Xarë dhe Dhërmi.
Transportonin emigrantë të paligjshëm, vihen në pranga 2 shtetas, procedohen në gjendje të lirë 2 të tjerë.
Shërbimet e Policisë Kufitare të DVKM Vlorë, në bashkëpunim me shërbimet e Komisariatit Sarandë dhe Himarë, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, në bazë të informacioneve policore, kanë organizuar dhe finalizuar operacionin policor të koduar “Borders”, si rezultat i të cilit janë goditur 3 raste të këtij aktiviteti kriminal, në Qafë Botë, Xarë dhe Dhërmi.
Në vijim të veprimeve u arrestuan në flagrancë shtetasit:
– F. R., 58 vjeç dhe G. L., 56 vjeç, banues në Vlorë, pasi u kapën në flagrancë nga shërbimet e Policisë, në vendin e quajtur “Përroi i Gjipesë”, Dhërmi, duke transportuar me 2 automjete, tip “Benz” dhe “Ford”, 6 emigrantë të paligjshëm, kundrejt fitimit.
Gjithashtu u proceduan në gjendje të lirë shtetasit:
– P. B., 57 vjeç, banues në Delvinë, pasi dyshohet se ka transportuar me një automjet taksi, drej Qafë Botës, 4 emigrantë të paligjshëm, kundrejt fitimit;
– E. L., 34 vjeçe, banuese në Sarandë, pasi dyshohet se ka transportuar me një automjet taksi, në aksin rrugor Xarë – Sarandë, 3 emigrantë të paligjshëm, kundrejt fitimit.
Materialet i kaluan Prokurorisë, për veprën penale “Ndihma për kalim të paligjshëm të kufijve.
