Blaugranët janë akuzuar për ‘korrupsion sportiv’ pasi u zbulua se klubi dyshohet se kishte bërë pagesa për ish-zëvendëspresidentin e komitetit të arbitrave të Spanjës, Jose Maria Enriquez Negreira.
Pagesat prej 7 milionë euro dyshohet se kanë ardhur midis viteve 2001 dhe 2018 për raporte dhe video në lidhje me mënyrën se si të silleni para gjyqtarëve të caktuar.
Mediat Katalanase kanë raportuar se, gjatë hetimit, presidenti i La Ligës, Tebas ka ofruar ‘prova të rreme’ kundër Barçës..
Menjëherë pas akuzave Barcelona është përgjigjur me një deklaratë duke thënë se:
“Duke pasur parasysh peshën e informacionit që është shfaqur sot në media, në të cilin presidenti i La Ligës Javier Tebas është i lidhur me paraqitjen e provave të rreme në prokurori për të inkriminuar klubin tonë, FC Barcelona dëshiron të shprehë indinjatën, zemërimin e saj më të thellë.
“Për këtë arsye, ne kërkojmë që presidenti i La Ligës të dalë urgjentisht në publik për të shpjeguar veten, përtej tweet-it të dërguar në orët e para të mëngjesit nga zoti Tebas, me nota kërcënuese.
“FC Barcelona, siç përsëriti presidenti Joan Laporta javët e fundit, e ndjen veten si viktimë e një fushate mediatike për ngjarje që nuk kanë ndodhur kurrë: Barça nuk ka paguar kurrë gjyqtarë.
“Nuk është hera e parë që presidenti i La Ligës përdor armët mediatike që ka në dispozicion për të dëmtuar FC Barcelonën, megjithatë, ndryshe nga marrëzitë e tij të zakonshme, nuk mund ta imagjinonim kurrë se ai mund të përpiqet të inkriminojë klubin tone, me prova të rreme.
