Ish-presidenti Donald Trump bëri një kritikë të ashpër për zëvendëspresidenten Kamala Harris të premten në mbrëmje në Montana, duke theksuar mungesën e saj në intervista që kur ajo u bë kandidatja kryesore për demokratët pasi presidenti Joe Biden zgjodhi të mos kandidonte për një mandat të dytë.
“Që kur u bë kandidate presidenciale, ajo ka refuzuar të japë një intervistë të vetme”, deklaroi Trump para një audience të mbushur plot në Brick Breen Fieldhouse në Bozeman, që ndodhet në kampusin e Universitetit Shtetëror të Montanës, shkruan Matzav.com.
Ai shtoi: “E dini pse? Sepse është budallaçkë. Apo të japë një konferencë të vetme për shtyp. Ajo nuk do të japë një konferencë për shtyp. Nuk do ta bëjë”.
Vizita e Trump-it në Montana ishte kryesisht për të mbështetur ish-Navy SEAL Tim Sheehy, i cili kandidon kundër senatorit demokrat Jon Tester.
Megjithatë, udhëtimi i Trump-it për në Bozeman mori një kthesë të paparashikuar kur avioni i tij u ridrejtua për shkak të një problemi mekanik të raportuar. Fillimisht duke u nisur për në Bozeman, avioni u ridrejtua në Billings, që ndodhet 227 km në lindje, të premten pasdite. Trump më vonë përfundoi udhëtimin e tij në Bozeman me një avion privat.
Ai tha: “Kur je komandant i përgjithshëm … nuk mund t’u shmangesh pyetjeve të vështira dhe nuk ke mundësi të lexosh nga një teleprompter për periudha të shkurtra kohore ku bën një fjalim që është dy minuta dhe gjithçka është në rregull nga teleprompteri.”
Trump komentoi gjithashtu diplomacinë ndërkombëtare, duke thënë: “Dhe nuk ulesh përballë tavolinës së presidentit rus Vladimir Putin dhe presidentit XI Jingping të Kinës. Ata janë individë të këndshëm. Nëse nuk mund ta përballosh shtypin tonë sepse ata nuk janë aq të ashpër sa mendon ti.”
