Edhe moderatorja e njohur Arbana Osmani, ka reaguar për ndeshjen e Botërorit, Serbi-Zvicër e cila u përjetua shumë nga shqiptarët për shkak të dy futbollistëve Shaqirit dhe Xhakës që na dhuruan spektakël.
Arbana e ka risjellë këtë me një pjesë të filmit ku ka marrë pjesë së fundmi, të cilin e ka prezantuar në disa vende të botës. Por në këtë postim, ajo është përballur me akuzat e ndjekësve të cilët e quajnë mendjemadhe.
“Filmi shumë i bukur, por para dhe mbas premierës në Londër u afruam për të bërë një foto me ju, por na ikë dy herë dhe s’na e dhe mundësinë”.
Arbana e ka mohuar menjëherë duke thënë se kanë qenë aty deri në fund. Më poshtë, një tjetër ndjekëse bie dakort me komentuesen e parë.
“Faktikisht ka të drejtë. Kam rastisur dy herë afër teje dhe të dyja herët ke qenë shumë e ftohtë, madje mund të them mendjemadhe. Zhgënjim total nga ç’të shohim në ekran. Gjithsesi shpresoj të kenë qenë thjesht çastë të gabuara në ditë të gabuara”, shkruan ndjekësja.
