-Trajneri i ri i Bayern Munichut, Thomas Tuchel, ka nevojë për një fillim të suksesshëm te Bayern Mynih, pasi skuadra renditet në vend të dytë në bundesligë.
Me transmetimin e ndeshjes në 200 vende në mbarë botën, të gjithë sytë do të jenë te ish-trajneri i Paris St Germain dhe Chelsea.
I njohur për aftësitë e tij taktike dhe planet e gjithanshme të lojës, Tuchel nuk pritet të bëjë shumë ndryshime në aspektin e formacionit.
Dortmundi renditet në krye me 53 pikë, një përpara Bayernit pas 25 ndeshjesh, me nëntë raunde ndeshjesh të mbetura.
“Kjo nuk është koha për ndryshime të mëdha në sistemin apo taktikat e Bayernit”, tha Tuchel pas mbërritjes në Mynih.
Duke e ditur se do të kishte vetëm një pjesë të vogël të seancave stërvitore me të gjithë skuadrën përpara se të përballej me Dortmundin.
“Tani më pak është më shumë. Kam ide, por do të duhet të presim. Reagimet nga lojtarët janë pjesë e saj,” tha ai.
Humbja në shtëpi në ndeshjen e tij hapëse për Bayernin do t’i shtonte pakënaqësi tifozëve pas befasisë së tyre për largimin e Nagelsmann.
Disa lojtarë të Bayernit janë shprehur gjithashtu të tronditur për ndryshimin e menaxherit, pasi kanë pasur një raport të mirë me paraardhësin e Tuchel.
“Natyrisht që jo të gjithë lojtarët do të jenë super të lumtur”, tha Tuchel. “Por kjo është normale. Është një ndryshim i madh kur largohet trajneri”.
Tuchel do të jetë i lumtur me rikthimin e mesfushorit Jamal Musiala, i cili u rikthye në stërvitje këtë javë pasi një dëmtim i lehtë që e përjashtoi atë nga dy ndeshjet miqësore të Gjermanisë javën e kaluar.
Naggelsman u largua nga bavarezët pasi prishi komunikimet me drejtuesit e klubit dhe me CEO-n Hans-Joachim Watzke që më vonë e etiketoi atë një “person të vështirë”.
