Një tjetër person është mbytur sot në bregdetin shqiptar. Ngjarja në fjalë është regjistruar rreth orës 11:15, në plazhin e Velipojës.
Burime zyrtare nga policia bënë me dije se bëhet fjalë për shtetasin me inicialet H. H. rreth 59 vjeç, dyshohet se është mbytur në det.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Kujtojmë se dy pushues kanë humbur jetën ditën e sotme në plazhin Spille të Kavajës, ku po kalonin pushimet. Ende nuk është bërë i mundur identifikimi i viktimave, por ata ishin afërsisht të moshave 65 -70 vjeç.
/Priza.al/
