Detaje të reja kanë dalë pas vrasjes së Fridman Xhaferrjat në Korçë. Bëhet e ditur se ai i kishte thënë familjes se do nisej për të punuar drejt Greqisë. Prokuroria e Korçës ka arritur në përfundimin se 25-vjeçari Fridman Xhaferraj është vrarë dhe më pas trupi i tij është hedhur në rezervuarin e Gjançit.
25-vjeçari, Fridman Xhaferraj, është vrarë në Korçë dhe më pas trupi i tij është hedhur në rezervuarin e Gjancit. Ky është konkluzioni zyrtar i organit të akuzës së qytetit juglindor.
Sipas prokurorisë, Xhaferraj është larguar nga shtëpia në datën 22 maj, një ditë pas ndryshimit të masës së sigurisë nga “arrest me burg” në “arrest shtëpie”. Në datën 23 maj policia ka shkuar në shtëpinë e 25-vjeçarit për të kontrolluar zbatimin e masës së sigurisë, por nuk e ka gjetur. I vëllai i ka deklaruar policisë se Fridman është nisur për të punuar në Greqi me disa persona të tjerë. Burime të prokurorisë thanë se 25-vjeçari është vrarë për larje hesapesh. Shkak për vrasjen dyshohet të jenë konfliktet e mëparshme të viktimës.
