Një shtetës ka rënë në prangat e policisë ditën e sotme në Gjirokastër.
Bëhet me dije se shtetasja me iniciale E.Sh., banuese në Sarandë transportonte me automjetin e saj emigrantë të paligjshëm.
Sakaq, 41 vjeçarja është kapur në flagrancë me 5 emigrantë të paligjshëm nga vendet MENA, me automjetin e saj tip “Honda”.
Njoftim i Policisë:
“Finalizohet me sukses operacioni policor i koduar “ROAD GUARD 12”.
Goditet një tjetër rast i veprimtarisë kriminale të dhënies ndihmë shtetasve të huaj, për kalim të paligjshëm të kufirit, kundrejt fitimit.
Transportonte emigrantë të paligjshëm, vihet në pranga 41-vjeçarja.
Sekuestrohet një automjet.
Specialistët e Seksionit për Hetimin e Trafiqeve të Paligjshme në DVP Gjirokastër, në bashkëpunim me Policinë Rrugore, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, në bazë të informacioneve policore, kanë finalizuar me sukses operacionin policor “ROAD GUARD 12”, si rezultat i të cilit u bë arrestimi në flagrancë i shtetases E. Sh., 41 vjeçe, banues në Sarandë.
Në aksin nacional Tepelenë – Krahës, në vendin e quajtur “Majkosh”, shtetasja E. Sh. u kap në flagrancë nga shërbimet e Policisë, duke transportuar me automjetin e saj tip “Honda”, nga Saranda për në Tiranë, 5 emigrantë të paligjshëm nga vendet MENA, kundrejt fitimit’, thuhet në njoftimin e policisë.
