Ish-kryeministri Sali Berisha, i ftuar në “Çim Peka LIVE” në “SYRI TV” duke folur në lidhje me vendimin për ndalimin e hyrjes në SHBA, është shprehur se kjo ka ardhur si pasojë e një lobingu të Soros-it, për shkak se ai (Berisha) doli kundër projektit për ndryshimin e kufijve mes Kosovës dhe Serbisë.
Sipas ish-kryeministrit Sali Berisha, askush nuk po fliste kundër projektit për ndarjen e Kosovës, deri kur ai foli dhe reagoi me ashpërsi kundër.
“Se po më bëni të lej modestinë. Mendimi im në atë kohë ndikoi dhe ndikoi shumë. Askush nuk po fliste kundër Hashim Thaçit, as në Kosovë dhe as në Shqipëri. Por në fund, mendimi im ndikoi. Ai ishte një projekt i Soros.
Pas reagimit tim, të njëjtin mendim kishin edhe disa miq amerikanë, të cilët nisën të shkruanin.
Unë e përshëndes vendimin e presidenti Joe Biden, për urdhërin ekzekutiv kundër atyre që punojnë për ndryshimin e kufijve. Në administratën e SHBA-ve kishte njerëz që po punonin për ndarjen e kufijve, si John Bolton”,- është shprehur gjatë intervistës në “Çim Peka LIVE”.
Ish-kryeministri Berisha, hodhi edhe njëherë akuza kundrejt Ramës dhe Thaçit të cilët në lobimin e Soros dhe mbështetjen e Vuçiçit, hartuan projektin për ndarjen e Kosovës. Berisha tha se, Parlamentit Europian dhe në Kongresit Amerikan i ka kërkuar hetimin e George Soros.
“Soros është korruptori i madh i politikanëve. Dhe unë këtë e kam denoncuar. Unë kam bërë thirrje që Kongresi i SHBA-ve dhe PE-ja të bëjnë ligje kundër Sorosit.
Është Soros ai që në Beograd hartoi projektin e ndarjes së Kosovës, që filloi të fuqizohej falë lobimit të Vuçiç, Thaçit dhe Ramës”.
/Burimi: Syri.net/
