Ish-sulmuesi i Bayern Munichut, Juventusit e Milanit, Mario Mandzukic, do ta nisë karrierën e tij si trajner duke punuar si asistent i Zlatko Dalicit te Kroacia.
35-vjeçari u tërhoq në fund të sezonit 2020/2021 dhe është emëruar si ndihmës-trajner i ekipit përfaqësues të Kroacisë.
Mandzukic ka luajtur 89 ndeshje me fanellën e përfaqësueses dhe ka shënuar 33 gola. Ai i ndihmoi ekipit të tij që të arrinte deri në finale të Kampionatit Botëror të vitit 2018 në Rusi, kur u mundën në finale nga Franca.
Si futbollist, ka luajtur edhe në Spanjë te Atletico Madridi, por edhe në Katar te Al-Duhail, në Kroaci te Marsonia, NK Zagreb e Dinamo Zagreb, kurse në Gjermani pos Bayernit, edhe te Wolfsburgu.
/Priza.al/
