Presidenti i Ukrainës Volodymyr Zelensky ka udhëtuar drejt Washington-it, për të takuar kreun e shtetit amerikan Joe Biden. Ky është udhëtimi i tij i parë jashtë vendit që nga nisja e pushtimit rus. Shtëpia e Bardhë ka konfirmuar gjithashtu udhëtimin dhe ka njoftuar se do të furnizojë Ukrainën me një bateri raketash, duke rritur ndjeshëm aftësinë e mbrojtjes ajrore të vendit. Ata u shprehën gjithashtu se do të trajnonin trupat ukrainas për përdorimin e tyre.
Dita e martë ishte dita e 300 e pushtimit rus të Ukrainës, që nisi në muajin shkurt. Zelensky gjithashtu do t’i drejtohet Kongresit dhe do të zhvillojë një sërë takimesh dypalëshe. Ai ka pritur shpesh liderë të huaj në kryeqytetin Kiev, dhe ka vizituar trupat ushtarakë përreth Ukrainës.
Kjo vizitë tregon rëndësinë e marrëdhënieve të Ukrainës me SHBA-në, e cila ka luajtur një rol udhëheqës në ofrimin e mbështetjes ushtarake. Në një letër të martën, kryetarja e Dhomës Demokratike Nancy Pelosi u kërkoi anëtarëve të Kongresit që të jenë të pranishëm në seancën e të mërkurës.
