Nëpërmjet një postimi në rrjetin social “Tweeter”, Ministri i Jashtëm ukrainas Dmytro Kuleba u ka bërë thirrje vendeve që të dënojnë përdorimin e simbolit “Z”, i cili përdoret në automjetet ushtarake ruse që marrin pjesë në konflikt.
Në këtë mesazh, ai tha se “mbështetja e kësaj barbarie duhet të ndalet”.
“Unë u bëj thirrje të gjitha shteteve të ndalojnë dhe dënojnë përdorimin e simbolit “Z” si një mënyrë për të mbështetur publikisht luftën e agresionit të Rusisë kundër Ukrainës. “Z” nënkupton krime lufte, qytete të bombarduara, mijëra ukrainas të vrarë. Mbështetja publike për këtë barbarizëm duhet të ndalet.”
Ndërkohë, ditën e djeshme, Ministria e Brendshme e Gjermanisë duket se e aprovoi këtë kërkesë, pasi njoftoi se personat që përdorin simbolin “Z” në mbështetje të pushtimit të Rusisë mund të ndiqen penalisht./Priza.al
