Ushtria ukrainase tha se kishte bërë përparim të madh rreth Khersonit, pasi Rusia njoftoi se po tërhiqej nga qyteti jugor.
Trupat ukrainase thonë se kanë pushtuar qytetin kyç të Snihurivka, 50 kilometra në veri të Khersonit, raporton BBC.
Rusia ka thënë se ka filluar të evakuojë qytetin, fitimi i saj më i madh në pushtimin, por procesi mund të zgjasë disa javë.
Njoftimi i 9 nëntorit u pa si një hap i madh prapa për përpjekjet luftarake të Moskës, megjithëse zyrtarët ukrainas ishin skeptikë, duke paralajmëruar se manovra mund të ishte një kurth.
Nuk kishte asnjë provë të menjëhershme për ndonjë tërheqje masive ruse nga Kherson, sipas BBC.
Komandanti i Përgjithshëm i Ushtrisë së Ukrainës, Valery Zaluzhny tha më 10 nëntor se ai nuk mund të konfirmonte apo mohonte tërheqjen, por tha se forcat e tij kishin bërë përparim të rëndësishëm.
Gjenerali Zaluzhny tha se ushtarët e tij po përparonin në dy fronte në bregun perëndimor të lumit Dnieper, zona që përfshin Kherson, duke marrë nën kontroll 12 vendbanime.
Videoja, vendndodhja e së cilës u konfirmua nga agjencia e lajmeve Reuters, tregon banorët e zonës teksa mirëpresin ushtarët në shesh, me sa duket pasi kanë hyrë në qytetin e Snihurivka.
Snihurivka ndodhet në udhëkryqin kryesor dhe është një kryqëzim hekurudhor për Oblastin e Mykolaiv, i cili kufizohet me Kherson në veri dhe perëndim.
Ministri ukrainas i Mbrojtjes Oleksiy Reznikov i tha Reuters se do të duhej të paktën një javë që Rusia të tërhiqte trupat nga Kherson.
Reznikov tha se Rusia ka një kontigjent prej 40,000 ushtarësh në rajonin Kherson dhe se të dhënat e inteligjencës tregojnë se ushtarët e saj mbeten brenda dhe rreth qytetit në anën e djathtë të lumit Dnieper.
“Nuk është e lehtë t’i tërheqësh ata ushtarë nga Khersoni brenda një ose dy ditësh. Do të duhet të paktën një javë,” tha ai.
Kherson ishte kryeqyteti i parë dhe i vetëm rajonal që ra në duart e Rusisë pasi pushtoi Ukrainën më 24 shkurt.
