Pasi Brisilda Sadushi kishte infeksion të përgjithshëm në gjak dhe tension të ulët ndërroi jetë në spitalin e Vlorës. Por familjarët kanë bërë fajtorë mjekët.
Babai i saj në intervistë për emisionin “Shqipëria Live” tha se kjo ishte humbja më e madhe që i kishte ndodhur. Ai tha se fëmijët do të jenë me të, pasi babai është në burg.
“Nuk më thoshte gjë në telefon për sëmundjen, por kur më kanë marrë në telefon që vdiq ishte humbja më e madhe që më ka ndodhur. Vëllai i vogël më mori në telefon, më tha më dërgo lekë se është në gjendje të rëndë. Asnjë doktor nuk më ka dalë para të më thotë shkakun. Sa të kem dorë dhe këmbë ata fëmijë nuk do të vuajnë”, tha babai i viktimës.
Ndërsa halla e viktimës ka thënë se mjekët janë vrasësit e të resë, ndërsa ka treguar se mjekët nuk tregojnë se çfarë operacioni i kanë bërë, pasi ajo kishte stomak të thatë dhe zorrët të ngjitura.
“Është neglizhencë e mjekëve, mjekët e kanë vrarë se nuk është as e para as e fundit. Nuk tregojnë se çfarë operacioni ishte. Ajo ka pasur stomakun të thatë dhe zorrët të ngjitura. Kërkoj të dalë e vërteta e çupës se përse iku nga jeta”, tha halla.
Marre nga Top Channel
