Nënkryetari i LSI-së, Petrit Vasili ka reaguar në lidhje me protestën që po zhvillojnë sot maturantët për testin e Matematikës.
Përmes një postimi në “Facebook”, Vasili thekson se arsimi ka dështuar pasi drejtohet nga të paaftë.
Sipas tij, justifikimet bajate dhe vulgare te qeverisë bien mbi kurrizin e maturantëve.
Maturantët pretendojnë se pyetjet ishin jashtë programit mësimor.
REAGIMI I VASILIT
Arsim i dështuar!
Arsim i drejtuar nga të paaftët!
Arsim kundër të rinjve dhe kundër dijes!
Arsim selektiv, i pabesë dhe antishkence.
Justifikimet bajate dhe vulgare të qeverisë bien mbi kurrizin e maturantëve.
Boll më me burokratët rilindas, që jua neveritën shkollën të rinjve.
Protestat masive në mjaft qytete janë provë e qartë e një arsimi të falimentuar rilindas!
/Priza.al/
