Pas arrestimit të bashkëshortit vrasës, policia greke vazhdon hetimet për vrasjen tragjike e nënës britanike në Glyka Nera, në Greqi. Një çështje e cila ka rezultuar shumë komplekse, ashtu sikurse karakteri i akullt dhe pa asnjë shprehi pendese i Babis Anagnostopoulos.
Nga trafikimi i lëndëve narkotike e deri tek marrëdhënia seksuale me një transgjinor, efektivët grekë janë në ndjekje të pistave të ndryshme për të kuptuar motivin e një akti kaq mizor.
Zhvillime të reja kanë dalë rreth rastit të vrasjes së 20-vjeçares Caroline brenda shtëpisë së saj në Glyka Nera, nga bashkëshorti i saj Babi Anagnostopoulos. Innews shkruan se pyetja që po mbizotëron ditët e fundit është nëse vrasësi Babis Anagnostopoulos kishte një bashkëpunëtor në vrasjen e 20-vjeçares.
Sipas informacioneve të deritanishme të policisë, nuk ka asnjë bashkëpunëtor të dyshuar të Babis Anagnostopulos në krim.
Autoritetet po përpiqen të kuptojnë nëse kjo e ndihmoi atë të hiqte provat nga shtëpia dhe gjithashtu të drejtonte “grabitjen” e pretenduar, e cila, sipas Babis Anagnostopoulos , përfundoi në vrasjen e Caroline.
Në të njëjtën kohë, policia po heton tre telefonata të bëra nga zonja Eleni Mylonopoulou , këshilltare e shëndetit mendor të Caroline, të cilat i janë bërë asaj pasi një burrë e kërcënoi se do ta vriste nëse ajo jepte informacion.
Policia po shqyrton nëse ky person është i njëjti person që është thirrur në pyetje.
Konkretisht, Mylonopoulou kishte dëshmuar se kishte marrë tre telefonata nga një numër i fsheshtë dhe në skajin tjetër të linjës telefonike ishte një burrë që e kërcënoi se do ta vriste, pa shpjeguar asgjë më tej.
Kjo perceptohet nga autoritetet si një përpjekje për ta trembur atë, në mënyrë që ajo të mos i zbulojë policisë se çfarë saktësisht i kishte rrëfyer 20-vjeçarja fatkeqe për dramën që jetonte brenda katër mureve të maisonetës në Glyka Nera dhe se ajo donte të largohej.
Babis Anagnostopulos u arrestua disa javë më parë, më shumë se një muaj pasi mbyti të shoqen dhe u mundua ta fshihte krimin, duke sajuar një grabitje. Piloti vrau të shoqen pasi kjo e fundit i kishte kërkuar divorcin. Ai rrëfeu një histori të sajuar ku përfshiu dhe shqiptarët, por në përvjetorin e vdekjes të së shoqes atij iu vunë prangat. Piloti e ka pranuar krimin duke u shprehur se gjithçka kishte ndodhur pas një sherri në çift.
/Burimi Innews/ Përshtati Priza.al/
