Ministri i Brendshëm Denys Monastyrsky, 42 vjeç, vdiq së bashku me zëvendësministrin e tij të parë dhe sekretarin e shtetit.
Gjashtëmbëdhjetë njerëz vdiqën kur helikopteri u rrëzua në Brovary, duke përfshirë tre fëmijë, sipas detajeve të përditësuara nga presidenca ukrainase.
Shërbimi shtetëror i sigurisë SBU tha se po ndiqte disa shkaqe të mundshme për rrëzimin, të cilat përfshinin sabotim, si dhe një mosfunksionim teknik ose shkelje të rregullave të fluturimit.
Monastyrsky, i cili ishte një nga këshilltarët politikë me shërbimin më të gjatë të Presidentit Volodymyr Zelensky, është viktima e profilit më të lartë ukrainas që nga fillimi i luftës.
Nënkryetari i zyrës presidenciale të Ukrainës, Kyrylo Tymoshenko, tha se ministri ishte rrugës drejt një “pikë të nxehtë” lufte kur helikopteri i tij u rrëzua. Kreu i policisë në qytetin verilindor të Kharkiv, Volodymyr Tymoshko, tha se ekipi ministror ishte në rrugë për ta takuar atë atje dhe ai kishte folur me ta vetëm dje.
Vdekja e ministrit prek zemrën e qeverisë në Kiev pasi ministria e brendshme ka detyrën jetike për të ruajtur sigurinë dhe drejtimin e policisë gjatë luftës.
Presidenti Zelensky ka folur për një tragjedi të tmerrshme që mori jetën e “patriotëve të vërtetë”.
