Ministri i Brendshëm, Bledi Çuci foli sot për aksionin e sotëm në kampin e MEK në Manëz të Durrësit. Ai u shpreh se gjatë aksionit nuk është prekur askush me dorë, ndera iu përgjigj edhe akuzave për vdekjen e një anëtari të muxhahedinëve, si pasojë e veprimeve të Policisë.
“Ne po presim ekspertizën mjekoligjore, ka pamje, nuk është prekur qoftë dhe një anëtar i MEK në Manëz. Edhe një person nuk është prekur me dorë. Do presim ekspertizën mjeko-ligjore për të dalë në konkluzione, por unë jam i bindur se kemi pasur kujdesin e duhur, që mos të krijojmë incidente brenda kampit”, tha ai.
