Wanda Nara nuk është pëlqyer asnjëherë nga familja e Mauro Icardit. Këtë nuk e fshehu asnjëherë motra e tij Ivana, e cila u përplas me agjenten e futbollit dhe sipërmarrësen argjentinase.
As vëllai i tij, Guido nuk e ka fshehur ndonjëherë antipatinë për ish-gruan e Maurito, i cili së fundi ka komentuar një foto të Wandës në rrjetet sociale me tone të qarta ofenduese.
“Çfarë qenie njerëzore e neveritshme, – ka komentuar Guido Icardi, duke postuar një foto në Instagram. – Të sqarohem, nuk e kam fjalën për fizikun e saj, para se të gjithë të më hidhen në qafë. Kjo foto është ajo në të cilën mendoj se duket më së miri”.
Duke pasur parasysh “avokatët” e Wanda Narës, që dolën në “pistë” kundër motrës së tij, Ivanës, ai më pas përfundoi: “Le të thonë çfarë të duan. Është e neveritshme, hipokrite… Të shohim nëse më denoncon edhe mua që thashë atë që mendoj. Ah, aq më bën! Nuk më heq dot as një euro”.
