Kanye West është martuar me stilisten e ‘Yeezy’, Bianca Censori, dy muaj pasi u finalizua divorci i tij nga Kim Kardashian. Thuhet se reperi 45-vjeçar ka zhvilluar një ceremoni private me Biankën dhe dyshja janë parë me unaza martese.
Megjithatë, sipas TMZ martesa nuk është ende e ligjshme pasi çifti nuk ka ende një certifikatë.
Kanye u pa me një unazë dhëndri në një dalje në fillim të kësaj jave, me burime që thonë se unaza simbolizonte respektin e tij ndaj partneres së tij pas ceremonisë.
Nuk dihet se prej sa kohësh ata e njohin njëri-tjetrin, por Bianca iu bashkua ekipit të kompanisë së ‘Kanye’, Yeezy në nëntor të vitit 2020.
Muajin e kaluar, ai nderoi ‘gruan’ e tij të re duke ripublikuar këngën Censori Overload. Në tekstin e këngëve, ai flet për beqarinë e tij para martesës, duke kënduar: “Dhe Bibla tha, nuk mund të bëj më seks derisa të martohem”.
