Një aksident i shumëfishtë ka ndodhur pak minuta më parë në autostradën Tiranë-Durrës. `Priza.al’ ka arritur të sigurojë videon ekskluzive nga vendngjarja, ku shihet se në përplasjë është përfshirë një ambulancë dhe 2 mjete të tjera.
Nga pamjet duken copat e xhamit të shpërndara kudo si dhe ambulanca e spitalit të Fierit dhe 2 mjete të tjera të cilat kanë përfunduar jashtë rrugës.
Si pasojë e aksidentit, janë dëmtuar pacientja që ndodhej në ambulancë, shtetasja K. V., 26 vjeçe, dhe pasagjerja e mjetit tjetër, shtetasja R. B., 38 vjeçe, të cilat ndodhen në spital, jashtë rrezikut për jetën.
Ende nuk bëhet i ditur shkaku i aksidentit dhe dinamika tij. Ndërkohë policia ka mbërritur në vendin e aksidentit dhe është duhet hetuar ngjarjen.
Tiranë/ Informacion paraprak
Me datë 09.01.2022, rreth orës 18:20, në rrugën e “Rinasit”, janë përfshirë në aksident mjeti me drejtues shtetasin E. B., me mjetin e ambulancës të spitalit të Fierit.
Si pasojë e aksidentit, janë dëmtuar pacientja që ndodhej në ambulancë, shtetasja K. V., 26 vjeçe, dhe pasagjerja e mjetit tjetër, shtetasja R. B., 38 vjeçe, të cilat ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
/Priza.al/
