Ka nisur sot në Portin e Durrësit stërvitja e madhe, me dislokimin që ndodh për herë të parë në Europë, që pas Luftës së Dytë Botërore, ku do të demonstrohen aftësitë ndërvepruese të Shteteve të Bashkuara me ushtritë partnere të NATO-s, për sigurinë në Ballkanin Perëndimor dhe rajonet e Detit të Zi.
Stërvitja ushtarake, e organizuar nga ushtria amerikane në Europë dhe Afrikë, ku marrin pjesë rreth 28 mijë trupa nga 26 vende aleate dhe partnere, do të zhvillohet në 7 baza të ndryshme në vendin tonë.
Ambasada amerikane ka postuar pamjet nga evenimenti, ku nuk munguan as gjeneralët amerikanë.
“Si pjesë e Ceremonisë së Hapjes DefenderEurope 21 dhe Ditës së Vizitorëve të Shquar në Portin e #Durres Gjeneralët e SH.B.A. Tod Wolters, Jeffrey Harrigian dhe Christopher Cavoli, @USAmbAlbania dhe personalitete të tjera dolën në anijet e Rojës Bregdetare Shqiptare për të parë transferimin e automjeteve në det si pjesë e operacionit të Përbashkët të Logjistikës. Ky operacion, po provohet për herë të parë në Evropë që nga Lufta e Dytë Botërore,” shkruan ambasada.
(1/2) Check out more views from the #DefenderEurope 21 Distinguished Visitors Day at the Port of Durres yesterday. Watch the transfer of vehicles at sea as part of the Joint Logistics Over-the-Shore operation, conducted for the first time in Europe since World War II. pic.twitter.com/6iiPxh7lNv
— USEmbassyTirana (@USEmbassyTirana) May 5, 2021
