Natë emocionuese në Champions League. Inter është me një këmbë në fazën tjetër, ku në ndeshjen e katërt të grupeve ka barazuar 3-3 me Barcelonën në Camp Nou.Pjesa e parë pa katalanasit që dominuan totalisht, ndërsa ekipi nga Milano zgjodhi të provojë me kundërsulme, duke u treguar jo rrallë herë e rrezikshme, pasi Dzeko gjeti traversën.
Barcelona i falet Dembeles, me golin e tij në fund të fraksionit. Pjesa e dytë do niste mjaft mirë për të besuarit e Inzaghit, veprim fantastik i Nico Barella që barazon shifrat dhe dërgon në festë ata tifozë që kishin udhëtuar për në Spanjë.
Në minutën e 60-të, Lautaro Martinez do tregonte se mbetet një nga sulmuesit më të mirë në Europë, kur pas assisti të Calhanoglu, përmbys ndeshjen.
Skuadra e Xavit ishte totalisht e ç’orientuar në fushë, ndërsa tifozët vendas dukeshin të zbehtë në shkallët e stadiumit të Camp Nou. Leëandoëski barazon shifrat 10 minuta nga fundi. Në limite, Gosens mposht Ter Stegen, duke shuar shpresat e Barcelonës.
Në po këtë grup, Bayern nuk ka falur aspak, duke mundur 2-4 Plzen. Bavarezët kryesojnë grupin me 12 pikë, Inter ka 7 të tilla dhe renditet e dyta, ndërsa Barcelona ka grumbulluar 4 pikë.
Lewandovski goal vs Inter#BarcaInter #barcelona #inter pic.twitter.com/H2vvjGwl3C
— Prizawebsport (@prizawebsport) October 12, 2022
