“Ne do të vazhdojmë të luftojmë deri në fitore”. Mjaftoi kjo deklaratë e Bashës pas humbjes së zgjedhjeve, që nga një panel analistësh situata t’u ikte nga duart. Pasi në emision shpërthyen të qeshurat, moderatori Ylli Rakipi i ka tërhequr vëmendjen Arjan Currit, Artur Zhejit dhe Edvin Kullurit. Ata nuk përmbanin dot të qeshurat, lidhur me atë se çfarë pretendonte Basha.
Arjan Curri ishte i pari që dha shkëndijat e para të një situate qesharake, pasi sipas tij, tashmë fillon lufta, duke lënë të nënkuptuar se Basha ende nuk e ka pranuar humbjen. Dhe se tashmë është ‘zgjuar’ për të filluar luftën.
Drejtuesi i emisionit Ylli Rakipi, duke tentuar të rikthente situatën në normalitet tha: “Regjia me fokuso mua, se s’ke ç’bën, këta po qeshin tani ngaqë lideri tha se tani fillon lufta”.
