Përfaqësuesit e Partisë Demokratike kanë bllokuar sot një mjet në Maqellarë, pasi dyshojnë se brenda saj kishte një sasi parash që po shpërndaheshin në këmbim të votës. Ata kanë njoftuar policinë, me efektivët që kanë mbërritur menjëherë në vendngjarje dhe ka filluar kontrollin e makinës.
Në mjet janë gjetur miliona lekë të fshehura në kroskot, të cilat dyshohet se do të përdoreshin për të blerë votat e qytetarëve të Dibrës. Efektivët kanë bërë inventarin e sendeve të gjetura në mjet, ndërkohë që personat që ishin brenda makinës do të shoqërohen në komisariat për t’u marrë në pyetje.
Të pranishëm gjatë kontrollit të makinës kanë qenë qindra simpatizantë të Partisë Demokratike, ndërkohë që në vendngjarje kanë qenë kandidatët për deputetë të PD, Luan Haka, i cili denoncoi krimin dhe Xhelal Mziu.
