Presidenti i çekisë, Milos Zeman, zhvilloi një ceremoni të pazakontë nga rezidenca e tij në Pragë, gjatë të cilës ai dekretoi kryeministrin e ri edhe pse rezulton pozitiv me Covid.
Zeman, i cili erdhi në një karrocë me rrota i shoqëruar nga një mjek, u paraqit brenda një kabine prej xhami. Ai u infektua me virusin pas një qëndrimi gjashtë-javor në spital për një sëmundje tjetër që nuk lidhet me të.
Zgjedhjet u zhvilluan menjëherë pasi dolën detaje të marrëveshjeve financiare të Babiš-it jashtë shtetit në Pandora Papers. Miliarderi populist 67-vjeçar ka mohuar keqbërjen.
Qeverisë së re do t’i duhet të trajtojë një valë infeksionesh me koronavirus që po kërcënon të pushtojë spitalet dhe një krizë energjetike, pas rënies së një ofruesi të madh të energjisë elektrike. Koalicioni ka thënë gjithashtu se ka në plan të ripërpunojë buxhetin e shtetit 2022 për të reduktuar një deficit të madh.
“Qeveria e re ka një kohë shumë të ndërlikuar përpara dhe shumë sfida … Unë dua që ajo të jetë një qeveri ndryshimi për të ardhmen,” tha Fiala në një konferencë shtypi televizive, duke shtuar se ai priste që kabineti i tij të emërohej në mes të dhjetorit.
Kryeministri i ri gjithashtu u bëri thirrje njerëzve që të vaksinohen kundër Covid-19 dhe vlerësoi stafin mjekësor mes rasteve në rritje.
Vetëm 58.5% e njerëzve çekë janë të vaksinuar kundër koronavirusit. Mesatarja e Bashkimit Evropian është 65.8%, sipas Qendrës Evropiane për Parandalimin dhe Kontrollin e Sëmundjeve.
/Burimi: Euronews/ Përshtati: Priza.al/
