Një parashutist i tërhequr nga një skaf që po bënte një udhëtim spektakolar me të dashurën e tij mbi det, e ka parë veten e tij keq në një moment që do të jetë mbase më dramatiku në jetën e tij.
Një peshkaqen është shfaqur nga hiçi nga poshtë ujit dhe ka kërcyer sapo parashuta është ulur pranë sipërfaqes së detit, duke e kafshuar në këmbë turistin.
Ai arriti t’i shpëtojë vdekjes për mrekulli në një ngjarje që u regjistrua në Detin e Kuq, aty ku peshkaqenët nuk mbahen si shumë të rrezikshëm.
37-vjeçari jordanez qëndroi mbi ujë kur krijesa gjigante doli befasisht nga uji dhe e kafshoi në këmbë.
Në pamje duket momenti kur është duke fluturuar mbi ujë me parashutën e tij, por kur skafi ka ulur shpejtësinë dhe parashuta i është afruar sipërfaqes së detit, peshkaqeni ka dalë në sipërfaqe me një hedhje dhe është përpjekur që me kafshim ta tërheqë poshtë.
Parashutisti ia doli të ngrihej në ajër dhe i shpëtoi tragjedisë, por u dërgua me urgjencë në spitalin Ushtarak “Prince Hashem”, në Aqaba, ku i’u nënshtrua një operacioni në këmbën e djathtë të dëmtuar.
Mjekët e kanë përshkruar gjendjen e tij si të qëndrueshme. Mohammad Qataëneh, nga Qendra Ndërkombëtare e Zhytjes në Aqaba, tha për mediat lokale se ngjarja është tronditëse, por sulmet nga peshkaqenët në Gjirin e Aqaba-s janë të rralla.
/Burimi: Daily Mail/ Përshtati: Priza.al/
