Një 34-vjeçar është arrestuar nga Policia e Durrësit pasi është kapur duke vjedhur kabujt e enërgjisë elektrike në qytetit bregdetar. I riu ishte kthyer në një problem të vertetë, pasi kishte vjedhur qindra metra kabuj.
Gjithashtu policia theksoi se vijon puna për dokumentimin e plotë të vjedhjeve të tjera të kryera nga ky shtetas.
Njoftimi i Policisë:
Vidhte kabujt elektrikë të ndriçimit të qytetit, duke krijuar shqetësim për qytetarët dhe pushuesit, identifikohet, kapet dhe vihet në pranga 34-vjeçari.
Sekuestrohen qindra metra kabuj elektrikë të ndriçimit të rrugëve të qytetit të Durrësit.
Specialistët për Hetimin e Krimit në Komisariatin e Policisë Durrës, nisur nga denoncimet e bëra nga Bashkia Durrës dhe nga shqetësimet e qytetarëve, të adresuara në Policinë e Durrësit, se një shtetas këpuste kabujt e furnizimit me energji elektrike, me qëllim vjedhjen e tyre, duke lënë për pasojë, në errësirë, rrugët e qytetit të Durrësit, menjëherë kanë organizuar punën për identifikimin dhe kapjen e autorit.
Pas disa ditësh hetime dhe ndjekjeje u bë e mundur kapja dhe arrestimi në flagrancë i shtetasit:
-E. R., 34 vjeç, banues në Durrës.
Gjithashtu shërbimet e Policisë i gjetën dhe i sekuestruan këtij shtetasi, në cilësinë e provës materiale, rreth 350 metra kabuj elektrikë që i kishte këputur dhe vjedhur nga shtyllat e ndriçimit të rrugëve të qytetit të Durrësi.
Në bashkëpunim me Prokurorinë pranë Gjykatës së Rrethit Gjyqësor Durrës, vijon puna për dokumentimin e plotë të vjedhjeve të tjera të kryera nga ky shtetas.
Materialet procedurale i kaluan Prokurorisë, për veprime të mëtejshme.
