Në Shqipëri kur rritet çmimi i karburantit as nuk protestohet as nuk ankohet njeri, por vijon konsumi dhe “normaliteti”. Po ashtu në vendin tonë as nuk ankohet njeri as për cilësinë jashtëzakonisht të keqe të hidrokarbureve, por edhe për sasinë që na e vjedhin në pompa.
Ndërkohë në botë është krejt ndryshe… Një ngjarje e rëndë ka ndodhur ditën e sotme në Angli, ku disa shoferë automjetesh janë zënë me njëri-tjetrin me grushte dhe armë të ftohta (thika), për shkak të “luftës’ për furnizimin me karburant.
“DailyMail” shkruan se një, nga shoferët, i irrituar nga pritja e gjatë, debatoi me një shofer tjetër, duke i treguar atij edhe thikën.
Ky incident ndodhi për shkak se në Britani është paralajmëruar se mund të ketë mungesa në treg të karburantit. Kjo gjë ka bërë që qytetarë të shumtë të dynden në pikat e furnizimit me karburant.
/Burimi: Daily Mail/Përshtati: Priza.al/
