Një person është arrestuar në Lezhë, asi kultivonte bimë narkotike narkotike në ambiente të hapura e të mbyllura.
Shtetasi me iniciale A.S., akuzohet për veprat penale “Kultivimi i bimëve narkotike” dhe “Prodhimi dhe shitja e lëndëve narkotike”.
Sakaq, policia ka sekuestruar 230 fidanë të dyshuar narkotikë, 28 llamba dhe pajisje të tjera që përdoren për kultivimin e bimëve narkotike në ambiente të mbyllura.
Njoftimi i Policisë:
Sekuestrohen fara të dyshuara narkotike, lëndë e dyshuar narkotike, 28 llamba dhe pajisje të tjera që përdoren për kultivimin e bimëve narkotike në ambiente të mbyllura. Autori i dyshuar i kësaj veprimtarie dyshohet të jetë shtetasi A. S., i arrestuar ditën e djeshme, gjatë operacionit “Blinisht”.
Specialistët e Seksionit për Hetimin e Krimeve në Komisariatin e Policisë Lezhë, në vijim të punës intensive për goditjen e veprimtarisë kriminale të kultivimit të bimëve narkotike në ambiente të hapura e të mbyllura, si dhe në vijim të operacionit policor të koduar “Blinisht”, kanë organizuar dhe finalizuar operacionin policor të koduar “Blinisht 2″.Pas kontrolleve të ushtruara ditën e djeshme, në kuadër të operacionit “Blinisht”, shërbimet e Policisë kanë vijuar kontrollin në ambiente të tjera për të cilat kishte dyshime se mund të përdoreshin për kultivimin e bimëve narkotike.
Gjatë kontrollit të ushtruar në banesën e një të afërmi të shtetasit A.S., të cilën ky i fundit e kishte në ruajtje, shërbimet e Policisë kanë gjetur dhe sekuestruar në cilësinë e provës materiale dhjetëra fara të dyshuara narkotike kanabis, një sasi lënde të dyshuar narkotike kanabis, 28 llamba elektrike dhe pajisje të ndryshme që përdoren për kultivimin e bimëve narkotike në ambiente të mbyllura. Gjatë operacionit “Blinisht”, që u zhvillua ditën e djeshme, shërbimet e Policisë kanë gjetur dhe sekuestruar 230 fidanë të dyshuar narkotikë, të cilët shtetasi A. S. i kishte kultivuar në kubikë, në afërsi të banesës së tij.
Materialet procedurale hetimore iu referuan shtesë Prokurorisë pranë Gjykatës së Rrethit Gjyqësor Lezhë,po në ngarkim të shtetasit të arrestuar A.S., për veprat penale “Kultivimi i bimëve narkotike” dhe “Prodhimi dhe shitja e lëndëve narkotike”.
