I ngjan një telenovele me një mijë intriga ajo që ka ndodhur gjatë viteve të fundit në Kadastrën e Tropojës, në të cilën janë përfshirë disa burra dhe një grua e pambrojtur, e cila gjendet nën presion dhe kërcënimeve për djalin e vetëm që ka pas 7 vajzave.
Gjatë investigimit Blerat Lushaj, i cili tashmë është shpërblyer me një tjetër pozicion drejtori në rreth, merr për disa minuta peng gazetarin e “Piranjave” duke mos e lejuar të dalë nga zyra pasi u pyet për punën e bërë prej tij në Kadastrën e Tropojës. Pavarësisht se gazetari i kërkon të dalë jashtë, e kap duke e mbajtur me forcë në zyrë.
Mes tyre u zhvillua kjo bisedë:
Blerant Lushaj: Dilni përjashta. Ti rri me mua…ti shko.
Operatori: Po na mban peng?
Gazetari: Hiqe dorën.
Lushaj: Shko më sill logot, direkt. Shko sill logot dhe të lejoj të dalësh nga këtu.
Gazetari: O mik, hiqe dorën këtu! Hiqe dorën..!
