Pas dyerve të blinduara dhe të fortifikuara me profile hekuri, selia e Partisë Demokratike, po vijon të përforcohet edhe më tej me mjete kundër turmave dhe kundër hapjes me forcë.
Tashmë kjo godinë i ngjan një institucioni të “rëndësisë së veçantë” ose një burgu të sigurisë së lartë.
Pamjet nga “LSA” tregojnë se si është katandisur godina që njihej si “Shtëpia e Lirisë”.
Ndërkohë mediat kanë publikuar sot foto ku shihet se selia është mbushur me fikëse zjarri të reja dhe numri i tyre është shumë herë më i madh nga sa mund t’i duheshin një godine të përmasave të tilla.
Këto mjete u përdorën me 8 janar kundër demokratëve që tentuan të futeshin në selinë e PD-së, edhe pse janë ato konsiderohen si bombola me lëndë helmuese të rrezikshme për trupin e njeriut.
/Priza.al/
