Një sulm ajror izraelit vrau ditën e djeshme tre djemtë e liderit të lartë politik të Hamasit në një sulm ndaj objektivave të profilit të lartë në Gaza. Sipas Sky News katër nga nipërit e Ismail Haniyeh u vranë gjithashtu në sulm. Ushtria izraelite njoftoi se dy nga djemtë e tij, Mohamedi dhe Hazemi ishin operativë ushtarakë të Hamasit, ndërsa i treti, Amir, ishte një komandant celule.
Ata janë ndër objektivat e profilit më të lartë që janë vrarë në luftë deri më tani. Vrasjet kërcënojnë të minojnë bisedimet e armëpushimit të ndërmjetësuara ndërkombëtarisht midis Izraelit dhe Hamasit. Haniyeh akuzoi Izraelin se vepron në frymën e hakmarrjes dhe vrasjesdhe tha se Hamasi nuk do t’i nënshtrohet presionit pas sulmit ndaj familjes së tij.
“Armiku beson se duke vënë në shënjestër familjet e liderëve, do t’i shtyjë ata të heqin dorë nga kërkesat e popullit tonë. Kushdo që beson se shënjestrimi i djemve të mi do ta shtyjë Hamasin të ndryshojë pozicionin e tij është deluzion”, tha ai.
Pamjet e mëposhtme tregojnë momentin kur ai mori vesh lajmin teksa vizitonte palestinezët e plagosur në një spital në Katar. Ai pohon me kokë, shikon në tokë dhe thotë: “Zoti i pushoftë shpirtrat e tyre”.
Hamasi tha se djemtë e Haniyeh u vranë në sulmin pranë kampit të refugjatëve Shati në qytetin e Gazës.Ai tha gjithashtu se tre nga mbesat e tij dhe një nip u vranë, por nuk bëri të ditur moshat e tyre.
