Ka ditë të tilla kur një ide vjen nga askund! Me pak fjalë, disa ide ‘të marra’, por me një ndikim të vërtetë.
Kjo është ajo që ndodhi me Jarbas Agnelli, një artist brazilian. Një mëngjes, ndërsa lexonte gazetën, ai pa një fotografi të zogjve që mblidheshin në telat elektrikë. Kjo ishte kur ai tha me vete:“Këta zogj në një tel çuditërisht duken si shënime në një pentagram muzikor”.
“Duke lexuar një gazetë, pashë një fotografi të zogjve në telat elektrikë. E preva fotografinë dhe vendosa të bëj një këngë, duke përdorur vendndodhjen e saktë të zogjve si shënime (pa redaktim Photoshop). E dija që nuk ishte ideja më origjinale në univers. Isha thjesht kurioz të dëgjoja se çfarë melodie po krijonin zogjtë”, kujton Agnelli.
“Unë ia dërgova muzikën fotografit, Paulo Pinto, të cilin e kërkova në internet në Google. Ai i tha redaktorit të tij, i cili i tha një reporteri dhe historia përfundoi si një intervistë në të njëjtën gazetë.”
Por historia nuk përfundon këtu! Artisti, një prodhues dhe muzikant vetë e rregulloi melodinë në një kompozim për një orkestër me oboe, ksilofone, klarineta, flauta, violina, violonçel dhe fagot. Për shkak se ai nuk e bëri atë për lavdinë ose njohjen, Jarbas Agnelli i dha meritat, pronën, përbërjen dhe gjithë meritën e melodisë vetë zogjve. Me pak fjalë, një projekt origjinal, shumë i bukur i cili nuk ka qëllim tjetër veçse të na japë një momet të bukur!
/Burimi: Cbvinly/ Përshtati: Priza.al/
