Problematika të shumta janë hasur në qarkullim në qytetin e Vlorës mbrëmjen e djeshme si pasojë e rëshjeve të shumta.
Shumë rrugë janë bllokuar nga sasia e madhe e ujit të shkarkuar në to. Lungomare, zona te Albano dhe Romina , zona te Biblioteka janë disa nga zonat nën pushtetin e shiut mbrëmjen e së dielës.
Si pasojë e ujit nëpër rrugë edhe shumë automjete kanë pësuar defekte teksa kanë kaluar nëpër ujë siç duket në videon e mësipërme.
Vështirësi kanë hasur dhe kalimtarët pasi trotuaret ishin përmbytur nga uji. Ndërsa disa lagje të qytetit bregdetar që prej vitesh përmbyten për shkak të infrastrukturës dhe mungesës së kanalizimeve reshjet e djeshme i kanë ngujuar brenda në banesë banorët.
/Priza.al/
