Reshjet e shumta qe kanë nisur këtë të hënë në Jug dhe Juglindje të vendit kanë shkaktuar jo pak probleme në shumë zona të vendit.
Probleme si pasojë e motit të keq ka pasur edhe në Gjirokastër dhe në fshatrat përreth saj, ku raportohet se është krijuar një situatë e vështirë mëngjesin e së hënës për shkak të daljes së ujërave nëpër rrugë.
Në fshatin Lazarat, përroi i Sopotit ka dalë nga shtrati dhe ka izoluar prej dy ditësh, banorët e lagjes Lenxat, me rreth 80 familje.
Pamjet e transmetuara nga mediat lokale, tregojnë se në fshatin Lazarat, ka shkaktuar jo pak dëme dhe probleme në fshat.
Por deri tani autoritetet lokale nuk kanë ndërmarrë asnjë veprim konkret për t’u ardhur në ndihmë banorëve që gjenden në vështirësi.
/Priza.al/
