Të rinjtë në Shqipëri për herë e më shumë po imitojnë filmat më të ndjekur aksion të Hollivudit, sidomos ato të garave me makina sportive. Kjo ka filluar të përsëritet për herë e më tepër nëpër autostrada, por kohët e fundit po bëhet si “sport” edhe në mes të qyteteve.
Por nëse deri më sot keni parë djem që bëjnë drift me makinat e tyre, videoja e mëposhtme do t’ju surprizojë. Pamjet që janë publikuar nga “JOQ-Albania”, janë filmuar në Fushë Krujë.
Një vajzë shihet që bën drift në sheshin e Fushë Krujës, totalisht jashtë rregullave dhe në mënyrë të paligjshme.
Me një automjet ‘Mercedes-Benz’, vajza shihet që xhiron gomat mes turmës së njerëzve që janë mbledhur për ta parë.
Ende nuk dihet se me çfarë rasti vajza e ka bërë këtë gjë, por vetëm para pak ditësh u zhvillua një garë me makina në Fushë Krujë.
https://www.youtube.com/watch?v=QwTLp6qIoLY
/Priza.al/
