Këtë herë nuk kishte shumë për t’u menduar në zgjedhjen e lojtarit më të mirë të muajit në 5 ligat më elitare.
Sulmuesi i Manchester City, Erling Haaland shënoi në çdo ndeshje në mars, pesë gola kundër Leipzig në Ligën e Kampionëve dhe një hat-trick kundër Burnley-t në çerekfinalen e Kupës FA.
Pa përmendur se në të dyja rastet ai kaloi vetëm 62 minuta në fushë.
Për sa i përket cilësisë dhe numrit të mundësive të lejuara për shënim, Leipzig ka performancën më të mirë në mbrojtje të sezonit aktual të Bundesligës.
Mesatarisht, ata u lejojnë kundërshtarëve të tyre 0.87 gola për lojë dhe madje vetëm 0.70 që nga rifillimi i garës në janar.
Megjithatë, Haaland kishte nevojë vetëm 57 minuta për të shënuar pesë gola kundër tyre.
Në gjashtë startimet e tij deri më tani këtë sezon në Champions League, ai ka gjuajtur 23 goditje në portën e kundërshtarit, duke rezultuar në 10 goditje të sakta.
Kjo do të thotë se ai ka konvertuar 43% të përpjekjeve të tij, në gola.
Fenomeni norvegjez ka luajtur 25 ndeshje dhe afërsisht 2000 minuta deri më tani, duke konkretizuar 33 raste, një normë suksesi prej 40%. Edhe numrat nëntë më të mirë në botë e kanë të vështirë të konvertojnë në gola një në pesë goditje gjatë një sezoni.
