Ambasada gjermane ka zbuluar detaje të reja nga vizita e kancelares Angela Merkel, e cila pritet të vijë në Shqipëri më 14 shtator.
Sipas njoftimit zyrtar, takimin e parë Merkel do e ketë me kryeministrin Rama. Më pas do të ketë një takim me krerët e qeverive të gjashtë vendeve të Ballkanit Perëndimor ku në plan të parë do të jenë çështjet e bashkëpunimit rajonal.
Po ashtu kancelarja Merkel do të takohet edhe individualisht me krerët e qeverive të Kosovës, Bosnje Hercegovinës, Malit të Zi dhe Maqedonisë së Veriut.
STATUSI NGA AMBASADA GJERMANE
Kancelarja Angela Merkel do të vizitojë Shqipërinë të martën, më 14 shtator
Në Tiranë ajo do takohet fillimisht për një bisedë me kryeministrin Edi Rama. Të planifikuara janë biseda që lidhen me çështjet e politikës ekonomike dhe marrëdhëniet dypalëshe midis Shqipërisë dhe Gjermanisë, por edhe çështje që lidhen me përafrimin me BE-në ??.
Në bisedimet e mëpasme me krerët e qeverive të gjashtë shteteve të Ballkanit Perëndimor, në plan të parë do të jenë çështjet e bashkëpunimit rajonal. Gjithashtu janë planifikuar bisedime dypalëshe me krerët e qeverive të Kosovës, Bosnje dhe Hercegovinës, Malit të Zi dhe Maqedonisë së Veriut.
/Priza.al/
