Presidenti i Republikës, Bajram Begaj ka votuar në shkollën 9-vjeçare “Kongresi i Lushnjes” në kryeqytet. I shoqëruar nga bashkëshortja, ai ka kryer procesin e votimit biometrik.
“Sot është një ditë e rëndësishme në demokraci. Është dita e zgjedhjeve. Unë ushtrova detyrën time si qytetar. Çdo shtetas i republikës së Shqipërisë me të drejtë vote sot ka ditën që të dëgjohet që vota e tij të lexohet, fuqia dhe pushteti i votës së tij të bëjë ndryshimin.
Unë e kam thënë që këto votime nuk janë të partive politike. Këto janë të qytetarëve dhe duhet t’i shërbejnë qytetarëve”, tha Bajram Begaj pas votimit.
