Së fundmi në mediat greke është publikuar një video e realizuar nga Babis Anagnostopoulos me gruan e tij vetëm pak muaj para se ta vriste gruan e tij Caroline brenda shtëpisë së tyre në Glyka Nera. Në pamje shihet Babis Anagnostopoulos duke regjistruar me celular gruan e tij Caroline, kur asgjë nuk parashikonte se çfarë do të pasonte.
Ndërkohë të hënën e ardhshme pritet që në prokurori të shkojë avokati i pilotit bashkë me botuesin e një gazete të njohur, i cili deklaron se Babis Anagnostopoulos nuk është vrasësi i Caroline.
“Sot do të takohem me botuesin që pretendon se ka informacione që do të rrëzojnë, siç thotë ai, rastin e klientit tim. Botuesi më njoftoi se ka marrë një thirrje nga prokurori për të paraqitur të hënën të dhënat që thotë se ka në dispozicion. Unë do të jem i pranishëm në të gjithë procesin”, ka thënë avokati.
Në verën e vitit 2019, pas një lidhje disa vjeçare me Babis Anagnostopoulos, Caroline Crouch vendosi asokohe që të martoheshin për të ndërtuar familjen e tyre.
Ata bënë një ceremoni private larg të afërmve dhe miqve pasi udhëtuan për në Algarve, Portugali pasi Caroline kishte përgatitur një ambient romantik pranë detit. Ndonëse bënë ëndrrën e tyre realitet, historia mori fund shumë shpejt.
Të dy u bënë prindër të një foshnje dhe 11 muaj më vonë, Babis kreu aktin e rëndë të vrasjes së partneres britanike.
Ai është burgosur paraprakisht në burgun e famshëm grek. Mbrapa qelisë së errët ka shprehur pendesë për krimin makabër që kreu, duke thënë se nëse do të kishte mundësinë të kthente kohën pas do e bënte, për të mos shkatërruar jetën e Carolines, vajzës së tyre dhe të tijen.
37 ditë pas ngjarjes tragjike ai pranoi se ai është vrasësi, duke hedhur poshtë pretendimet e para te tij se vdekja ka ardhur pas një konflikti verbal që kane pasur, pasi treguesit e rrahjeve te zemrës ne orën e vajzës provojnë që ai është përpjekur ta mbysë në momentin kur ajo flinte, ndërsa 20 vjecarja ka luftuar rreth 6 minuta, por nuk ka mundur t’i bëjë ballë fuqisë mashkullore.
/Burimi: tanea.gr/ Përshtati: Priza.al/
