Vrasja e Caroline Crouch vazhdon të komentohet dhe është në qendrën e vëmendjes së mediave greke. Së fundmi avokati mbrojtës i Babis Anagnostopoulos ka thënë se autori as nuk e njeh gruan për të cilën flitet se ai ka patur lidhje jashtëmartesore.
Avokati i Anagnostopoulos vuri në dukje se nuk ka asnjë ndryshim në aktakuzën kryesore.
“Klienti im thotë se nuk ka pasur asnjë lidhje me asnjë grua as para dhe as gjatë ngjarjes. Në fakt, nuk ka dalë nga asnjë provë në dosjen e lëndës. Ai as nuk e njeh gruan. Nëse nuk do të kishte ndodhur asgjë tjetër, nuk është diçka që ndikon drejtpërdrejt në veprën që po shqyrtojmë në këtë rast. Sigurisht që ai përmend disa gjëra në një kohë më të hershme. Në Këshillin e Procedurës Penale dhe në gjykatën që do të zhvillohet për ceshtjen është në lojë se çfarë ndodhi atë natë fatale në Glyka Nera dhe si u shkaktua e gjithë kjo situatë. Kjo nënkuptohet edhe nga propozimi i prokurorit ”.
Ai iu referua edhe raporteve që japin versione të ndryshme të krimit, duke thënë klienti i tij është ai që nëse do, do të përgënjeshtroj raportet. Përderisa ka prova që mund t’i japin diçka më shumë çështjes ose të rrëzojnë diçka, edhe nesër ato mund të dorëzohen për t’u vlerësuar .
/Priza.al/
