Vendi ynë zhvilloi dje zgjedhjet parlamentare, ku qytetarët votuan masivisht. Ndër personat që votuan ishte dhe kryeministri i Kosovës, Albin Kurti. Ai votoi në kopshtin 31, në zonën e ish-bllokun në Tiranë.
Pas këtij veprimi, ka reaguar presidenti i Serbisë Aleksandër Vuçiç. Vuçiç në fjalën e tij ka thënë se vota e Kurtit në Shqipëri është një sinjal i përgjithshëm për të gjithë për mesazhin që doni të përcillni.
“Ju po votoni në Shqipëri. Sinjal i mirë. Është e qartë për të gjithë, si për ne ashtu edhe për botën, se çfarë doni të thoni. Ju thoni se doni dëmshpërblime të luftës nga Serbia, ne e kuptuam se çfarë donit të thoni. Ju thoni se do të ngrini një proces gjyqësor për gjenocid, megjithëse nuk mundeni sepse nuk jeni një shtet sovran, mbase përmes Shqipërisë, apo ndonjë vendi të tretë, ai mesazh është i qartë për ne, “tha Vuçiç.
