Hakmarrja është një pjatë që duhet të shërbehet e ftohtë… Sipas thashethemeve më të fundit që kanë ardhur nga Argjentina, Wanda Nara do të bënte gjithçka për ta detyruar ish-bashkëshortin e saj, Mauro Icardi, të paguante për atë që ndodhi një vit më parë.
“Wanda nuk e ka kapërcyer asnjëherë aferën China Suarez (aktorja me të cilën sulmuesi ka pasur një flirt), – deklaroi gazetari Pampito. – Që andej qëndrimi i saj ndaj Icardit ndryshoi dhe për këtë arsye tani po largohet papritur, zhduket, nuk gjendet”.
Në muajt e fundit, Nara është larguar vazhdimisht nga Stambolli dhe ka fluturuar në Buenos Aires, zyrtarisht për shkak të angazhimeve të punës, por me sa duket pas saj fshihet dëshira për ta bërë Mauriton të vuajë me sjelljen e saj të paqartë.
“Icardi insiston, dëshiron ta fitojë përsëri, por ajo nuk dëshiron. Ata kanë pesë fëmijë dhe situata është mjaft e ndërlikuar. Tani, Wanda do të donte të kthehej për të jetuar përgjithmonë në Argjentinë”, – shtoi eksperti i thashethemeve rozë.
Wanda Nara, ndër të tjera, e ka përjashtuar Mauro Icardin nga festa e ditëlindjes së saj të fundit. Në festë, as edhe një gjurmë nga L-Gante. Marrëdhënia me reperin 22-vjeçar është mjaft e ndërlikuar, sipërmarrësja duket e lodhur nga kjo shtytje dhe tërheqje e vazhdueshme mjaft stresuese.
