Gjatë kontrollit në shtëpinë e ish-presidentit amerikan Donald Trump, agjentët e FBI-së kontrolluan dokumente konfidenciale që lidhen me armët bërthamore, raporton “Washington Post” duke cituar burime të mirëinformuara.
Nuk dihet se çfarë informacioni kërkonte FBI-ja apo nëse dokumente të tilla u gjetën në shtëpinë e Trump në Palm Beach, Florida, shton gazeta amerikane.
Ende nuk dihet se sa shumë informacione mund të ketë në dokumente nëse ato bëhen publike.
Bastisjet e të hënës ishin bastisjet e para në historinë amerikane në shtëpinë e ndonjë ish-presidenti, si pjesë e një hetimi penal. Trump dhe republikanë të tjerë kanë kritikuar këtë vendim të FBI-së dhe kanë thënë se është i motivuar politikisht.
